საპროცედურო საკითხთა კომიტეტი პარლამენტში შევიდა ინიციატივით, რომელიც ითვალიშწინებს იმას, რომ სხდომების გაცდენა „ოჯახური მდგომარეობის“ გამო არასაპატიო მიზეზით ჩაითვალოს. ამის შესახებ კომიტეტის თავმჯდომარემ გიორგი კახიანმა „2030“-ის ეთერში განაცხადა.
„საპროცედურო საკითხთა კომიტეტმა იმსჯელა ამ სიკითხზე. ჩვენ მივედით იმ დაკვნამდე, რომ საერთოდ გაცდენა „ოჯახური მდგომარეობის“ გამო იყოს ამოღებული და ახლა ეს არის ინიცირებული. ალბათ, ხვალ პლენარულ სხდომაზე მოხდება ამ საკითხის განხილვა“, - განაცხადა გიორგი კახიანმა.
ამასთანავე საპროცედურო საკითხთა კომიტეტის თავმჯდომარემ დააზუსტა, რომ საკანონმდებლო ინიციატივა მხოლოდ მორიგ პლენარულ სხდომებს შეეხება. მან ასევე აღნიშნა, რომ სანქციები დეუტატებს არ დაუწესდება, თუ პარლამენტარი არ ესწრება სხდომას პოლიტიკური შეხედულობების გამო.
