4 - 5 ივლისს ბათუმში სასტუმრო „შერატონის“ დიდ სამეჯლისო დარბაზში X ტრადიციული მსოფლიო ღია რეიტინგული შეჯიბრი „Batumi Open 2015“ ჩატარდება. "შეჯიბრებები ტარდება აჭარის ა/რ სპორტცეკვების ფედერაციის (პრეზიდენტი ნინო ქავზინაძე), აჭარის ა/რ სპორტისა და ახალგაზრდობის საქმეთა დეპარტამენტისა და ქ. ბათუმის მერიის მხარდაჭერით.
3 დღის განმავლობაში შეჯიბრებები ჩატარდება ყველა ასაკობრივ კატეგორიაში ევროპული და ლათინო-ამერიკული ცეკვების პროგრამით, ხოლო ღონისძიების უმნიშვნელოვანესი შეჯიბრი უფროსი ასაკის მოცეკვავეებს შორის (19–35წწ) ლათინო-ამერიკული ცეკვების პროგრამით – WDSF World Open Latin ჩატარდება კვირას - 5 ივლისს. შეჯიბრის დასკვნითი რაუნდები დაიწყება 18:00 სთ-ზე.
საერთაშორისო ტურნირში მსოფლიოს 21 ქვეყნის 50 უძლიერესი წყვილი მიიღებს მონაწილეობას, ესენია: ავსტრია, აზერბაიჯანი, ბელორუსია, გერმანია, დანია, ესპანეთი, ესტონეთი, თურქეთი, ისრაელი, იტალია, კვიპროსი, ლიტვა, რუმინეთი, რუსეთი, საბერძნეთი, საქართველო, სლოვაკეთი, სომხეთი, უკრაინა, უნგრეთი და პოლონეთი.
