პრემიერი ირაკლი ღარიბაშვილი დავით აღმაშენებლის ძეგლის თბილისის ცენტრში დაბრუნებაზე ფიქრობს. როგორც მან „ასავალ დასავალთან“ ინტერვიუში განაცხადა, მერიამ და საკრებულომ ეს საკითხი უნდა განიხილონ და მასში საზოგადოებაც ჩართონ.
„სააკაშვილმა ყოვლად უზნეო საქციელი ჩაიდინა, როცა ჩვენი უდიდესი და წმინდა მეფის ძეგლს შეეხო და მოსახლეობის აზრის გათვალისწინების გარეშე, სხვაგან გადაიტანა. ვფიქრობ, რომ მერიამ და საკრებულომ დავით აღმაშენებლის ძეგლის თბილისის ცენტრში დაბრუნების საკითხი უნდა განიხილონ, სპეციალისტები მოიწვიონ და ამაში საზოგადოებაც ჩართონ“, - განაცხადა ირაკლი ღარიბაშვილმა.
რაც შეეხება ველოსიპედის ძეგლს, პრემიერი აცხადებს, რომ თანამედროვე სკულპტურების წინააღმდეგი არაა, თუმცა, მისივე თქმით, ყველაფერს თავისი ადგილი აქვს.
