მოქალაქეებმა და გარემოს დამცველებმა ვერეს ხეობაში რეკრეაციული პარკის გაშენების მოთხოვნით თბილისის საკრებულოსთან საპროტესტო აქცია გამართეს. ისინი რეკრეაციული ზონის გაშენებას ითხოვენ, რომელიც იპოდრომის, მზიურისა და ვერეს ხეობას გააერთიანებს. აქცია სოციალური ქსელით დაიგეგმა. ორგანიზატორების განცხადებით, მოთხოვნის დაუკმაყოფილებლობის შემთხვევაში აქციები პერმანენტულ ხასიათს მიიღებს.