biletebi.ge გაყიდვების ახალ სისტემაზე გადადის. როგორც საიტის ტექნიკურმა დირექტორმა გიორგი ჩხიკვიშვილმა «იმედის კვირა»-ში განაცხადა,  ახალი ალგორითმი რიგის  კომპონენტს შეიცავს.

„აგიხსნით გაყიდვის სისტემას: იქნება რიგი, როგორც კი დაიწყება გაყიდვები იმ მომენტში მოხდება რიგის ათვლა, რიგის მიხედვით მოხდება  დაშვება, მომხმარებელს ეცოდინება თუ რამდენი კაცია მაგის წინ და, მაგალითად, 15 ან 40 წუთში არსებული სპეციალური სისტემით ის შესძლებს საიტზე შესვლას“, – განაცხადა გიორგი ჩხიკვიშვილმა.

ამასთანავე biletebi.ge-ს წარმომადგენელმა არ დაასახელა სუპერთასის ფინალზე ბილეთების გაყიდვის დაწყების ვადები, მაგრამ აღნიშნა, რომ სერვერის მუშაობის შეფერხების რისკი გაცილებით ნაკლებია.

"UEFA-ს წარვუდგინეთ გეგმა, თუ როგორ უნდა გაგვეძლიერებინა სერვერების დაცვა და UEFA-მ აგვინთო მწვანე შუქი. 100% გარანტიას თექნიკაზე ვერავინ იძლევა, მაგრამ ახლა გაცილებით დაცულები ვართ. რაც მთავარია, მიზეზი, რატომაც გავთიშეთ სერვერი, იყო ის, რომ ხალხი იყო არათანაბარ მდგომარეობაში: ზოგს გაუმართლებდა, ზოგს არა. ახლა ასე არ იქნება", – აღნიშნა გიორგი ჩხიკვიშვილმა.