გარემოს დამცველები ვერეს ხეობაში მშენებლობების შესაძლო დაწყებას აპროტესტებენ. ისინი არასამთავრობო ორგანიზაციის წარმომადგნელებთან ერთად საკრებულოს შენობის წინ შეიკრიბნენ.
ვერეს ხეობაში ე.წ. "ქართული მანჰეტენის" შექმნის იდეა რამდენიმე დღის წინ გახმაურდა.
,,ვთვლით, რომ მომხდარი ტრაგედიის შემდეგ და იმის გათვალისწინებით, რომ თბილისში არ არსებობს პარკები, ვერეს ხეობაში უნდა გაშენდეს ცენტრალური სარეკრეაციო ზონა, რომელიც ზოოპარკის იპოდრომისა და მზიურის ტერიტორებს გააერთიანებს. ჩვენი სურვილია გათავდეს აღნიშნულ ტერიტორიასთან დაკავშირებული სპეკულაციები და იქნას მიღებული საბოლოო გადაწყვეტილება პარკის მშენებლობის თაობაზე. აქცია არ ატარებს პოლიტიკურ სახეს. იგი ორგანიზებულია რიგითი მოქალაქეების მიერ და კავშირი არ აქვს არანაირ პოლიტიკურ გაერთიანებებთან”, - აცხადებენ აქციის ორგანიზატორები.