თბილისის მერი დავით ნარმანია აცხადებს, რომ ის კეთილმოწყობის სამსახურის ხელმძღვანელის ავთანდილ სუდაძის თანამდებობიდან გათავისუფლებას არ გეგმავს, რადგან ძალიან კვალიფიციური კადრია.
"ავთანდილ სუდაძე ძალიან კვალიფიციური კადრია. მან ძალიან ბევრი იმუშავა განსაკუთრებით ბოლო პერიოდის განმავლობაში. ის ხელმძღვანელობდა ტექნიკის განაწილებას, კოორდინაციას დაკავშირებულ საკითხებს. დღესაც ხედავთ, რომ ის მუშაობს და ჩემს გვერდით არის. Aასე რომ, მის მოხსნას არავინ არ აპირებს. "- აცხადებს დავით ნარმანია.
შეგახსენებთ, რომ თბილისის მერიაში საკადრო ცვლილებებია. თანამდებობა უკვე დატოვა მერიის ეკოლოგიური პოლიტიკის სამსახურის უფროსმა ირაკლი ბერეკაშვილმა და იგი მეწარმეობის ხელშეწყობის ცენტრში გადავიდა სამუშაოდ.
გავრცელებული ინფორმაციით, პოსტიდან მიდის თბილისის კეთილმოწყობის საქალაქო სამსახურის უფროსის ავთანდილ სუდაძეც.