სინოპტიკოსები ზაფხულში ანომალიურ სიცხეს არ პროგნოზირებენ. ამის შესახებ, ,,ჯი-ეიჩ-ენთან” საუბარში გარემოს დაცვის სამინისტროს მთავარმა სინოპტიკოსმა დოდო გვაზავამ განაცხადა და აღნიშნა, რომ საქართველოსთვის დამახასიათებელი ჩეულებრივი ზაფხული იქნება.
,,ანომალიურ სიცხეზე საუბარი არ არის. იქნება, ალბათ, ზაფხულის სიცხეები, რაც დამახასიათებელია საქართველოს ამინდისთვის. Aასე რომ, იქნება ჩვეულებრივი ზაფხული”, -განაცხადა დოდო გვაზავამ.
მისივე თქმით, მომდევნო დღეების განმავლობაში საქართველოში ხანმოკლე წვიმა შენარჩუნდება.
,,აღმოსავლეთ საქართველოს ზოგიერთ რაიონში ველოდებით ხანმოკლე წვიმას, განსაკუთრებულს არაფერს. Mმოიმატებს ჰაერის ტემპერატურაც და ჰაერი 34-37 გრადუსამდე გათბება. რაც შეეხება დასავლეთ საქართველოს იქ მაინც მოქმედებს შავი ზღვის შედარებით გრილი და ნოტიო ჰაერი და ტემპერატურის მნიშვნელოვან მატებას არ ველოდებით. დღის მაქსიმალური ტემპერატურა დასავლეთ საქართველოში 28-30 გრადუსამდე გათბება”,_განაცხადა დოდო გვაზავამ.
დოდო გვაზავას განმარტებით, საღამოს და ღამის საათებში ხანმოკლე წვიმა შენარჩუნდება თბილისშიც. დღის მაქსიმალური ტემპერატურა კი 33-34 გრადუსამდე გათბება.