ცნობილ ქართველ მომღერალს ეთერ კაკულიას 30 ივნისს დაკრძალავენ.
სამოქალაქო პანაშვილი 11:00 საათიდან ქაშუეთში გაიმართება, რომელსაც ოფიციალური პირები და საქართველოს კათოლიკოს-პატრიარქი, უწმინდესი და უნეტარესი ილია მეორე დაესწრებიან.
ცხედარს 15:00 საათზე გამოასვენებენ, შემდეგ კი გამოსამშვიდებელი ცერემონიალი გაიმართება, ასევე მოეწყობა ფოტოგამოფენა, რომელზეც ეთერ კაკულიას სხვადასხვა დროს გადაღებული ფოტოები იქნება წარმოდგენილი.
ეთერ კაკულიას ვაკის სასაფლაოზე მშობლების გვერდით დაკრძალავენ, რამდენიმე თვეში კი, მთავრობისა და საპატრიარქოს ერთობლივი გადაწყვეტილებით, მომღერლის ცხედარს მახათას მთაზე გადაასვენებენ, სადაც ახალი პანთეონი იხსნება და ეთერ კაკულია იქნება პირველი, ვისაც ახლადგახსნილ პანთეონში დაკრძალავენ.
დაკრძალვის ხარჯებზე მთლიანად თბილისის მერია დაფარავს.
ეთერ კაკულია 26 ივნისს ხანგრძლივი ავადმყოფობის შედეგად გარდაიცვალა. ამ დროისთვის პანაშვიდები მის საცხოვრებელ სახლში, დოლიძის 41 ნომერში მიმდინარეობს. მომღერლის ოჯახს უკვე მისამძიმრეს კულტურის მინისტრმა და ხელოვნების მოღვაწეებმა. მომღერლის გარდაცვლების გამო მწუხარება გამოხატა საქართველოს პრეზიდენტმა გიორგი მარგველაშვილმა.