29 ივნისიდან 3 ივლისის ჩათვლით საქართველოს უმეტეს რაიონებში უნალექო, მზიანი ამინდია მოსალოდნელი.
გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოს უფროსის დოდო გვაზავას ცნობით, დღეს და ხვალ აღმოსავლეთ საქართველოს ზოგიერთ რაიონში, მათ შორის თბილისში, ხანმოკლე წვიმაა მოსალოდნელი, ელჭექით. დასავლეთ საქართველოს უმეტეს რაიონეში კი დღეს წვიმს და ხვალაც წვიმის ნალექი შენარჩუნდება. თუმცა, როგორც გვაზავა აცხადებს, ქვეყნის მთელს ტერიტორიაზე ძლიერი წვიმა მოსალოდნელი არ არის.
დასავლეთ საქართველოში ჰაერის ტემპერატურა დაბლობში 27-29 გრადუსი იქნება. 29 ივნისის შემდეგ თანდათან მოიმატებს და 34 გრადუსი იქნება, სანაპირო რაიონებში კი 30 გრადუსი.
აღმოსავლეთ საქართველოს ბარში ჰაერის ტემპერატურა 32 გრადუსი იქნება. 3 ივლისამდე კი 38 გრადუსამდე აიწევს.
