თბილისის ვიცე-მერი დიმიტრი ქუმსიშვილი დავით ნარმანიას გადადგომის საფუძველს ვერ ხედავს. ამის შესახებ მან ჟურნალისტებტან არასაპარლამენტო ოპოზიციის მიერ პროკურატურაში დღეს შეტანილ სარჩელთან დაკავშირებით განაცხადა, რომლითაც სამსახურებრივი გულგრულობის ფაქტზე გამოძიების დაწყებას მოითხოვენ.
,,ამ კონკრეტულ შემთხვევაში მერის გადადგომის საფუძველს ვერ ვხედავ.. საჩივრის საფუძვლიანობა ან არასაფუძვლიანობა უნდა შეაფასოს თავად პროკურატურამ. შესაბამისად, მან უნდა იმოქმედოს, თუ ამ უწყებას მიმართეს", - აღნიშნა ქუმსიშვილმა.
არასაპარლამენტო ოპოზიციის შეფასებით, სტიქიაზე ხელისუფლების რეაგირება არაადეკვატური იყო, რასთან დაკავშირებითაც პროკურატურას დღეს საჩივრით მიმართეს. ისინი ხელისუფლების რიგი წარმომადგენლის, მათ შორის თბილისის მერის მიმართ, სამსახურებრივი გულგრულობის ფაქტზე გამოძიების დაწყებას მოითხოვენ.
