ფინანსურად წახალისდება ის პარტია/საარჩევნო ბლოკი რომელსაც თავის პარტიულ სიებში ეყოლება ყოველი მეორე კანდიდატი ერთიმეორისაგან განსხვავებული სქესის. ასეთ შემთხვევაში ისინი სახელმწიფო ბიუჯეტიდან დაფინანსებას მიიღებენ. აღნიშნულს ,,მოქალაქეთა პოლიტიკური გაერთიანებების შესახებ“ საქართველოს ორგანულ კანონში დაგეგმილი ცვლილებები ითვალისწინებს, რომელიც საკანონმდებლო ორგანოში უკვე ინიცირებულია. თუმცა, კანონპროექტში მითითებული არაა კონკრეტულად რა თანხას მიიღებს სახლემწიფოსგან ის პარტია/საარჩევნო ბლოკი რომელსაც პარტიულ სიებში გენდერულ თანასწორობას დაიცავს.
როგორც კანონპროექტის განმარტებით ბარათშია მითითებული, აღნიშნული ცვლილებების მიზანია, თავის მხრივ, ხელი შეუწყოს საქართველოს პარლამენტში გენდერული თანასწორობის თვალსაზრისით არსებული დისბალანსის დაძლევას და შესაბამისად, ქვეყნის პოლიტიკურ ცხოვრებაში ქალთა მონაწილეობის გაზრდას.
კანონპროექტის ინიციატორი პარლამენტის წევრი ნანა ყეინიშვილია.
