biletebi.ge-ს, იგივე შპს ელ.ბილეთების 60%-იანი წილის მფლობელი შსს-ს მომსახურების სააგენტოს დირექტორის პირველი მოადგილე დავით მიზანდარია. ამის შესახებ საჯარო რეესტრის ამონაწერიდან ირკვევა. კომპანიის წილის 40%-ს გიორგი ჩხიკვიშვილი ფლობს. ამ ინფორმაციას ”ნეტგაზეთი” ავრცელებს
თანამდებობის პირთა ქონებრივი დეკლარაციის მიხედვით, მიზანდარს კომპანიაში 2008 წლის 11 დეკემბრიდან 2015 წლის 7 აპრილამდე, დირექტორის თანამდებობა ეკავა. ამის შემდეგ კი იგი ლევან მიზანდარმა ჩაანაცვლა. დავით მიზანდარმა შსს-ში თანამდებობა 2015 წლის აპრილში დაიკავა.
დავით მიზანდარმა, აღნიშნული სამეწარმეო საქმიანობით, გასული წლის 1 იანვრიდან 31 დეკემბრის ჩათვლით 56095.78 ლარის ოდენობის შემოსავალი მიიღო.
biletebi.ge-ს უეფას სუპერთასის ფინალზე დასასწრები ბილეთების გაყიდვა 22 ივნისიდან უნდა უზრუნველეყო. სუპერთასის ფინალზე დასასწრები ბილეთების გაყიდვა შეჩერებულია, რადგან პორტალი biletebi.ge არ ფუნქციონირებს.