,,ინფორმაციის თავისუფლებისა და განვითარების ინსტიტუტი”(IDFI) მიიჩნევს, რომ საპარლამენტო უმრვალესობის დეპუტატის ზაქარია ქუცნაშვილის ინიციატივა რომელიც ითვალისწინებს მხოლოდ შრომის ანაზღაურების ერთ-ერთ ასპექტზე, კერძოდ პრემიაზე შეზღუდვების დაწესებას, ვერ უზრუნველყოფს რაიმე სახის თანხების გამოთავისუფლებას.
ორგანიზაციის ინფორმაციით, აღნიშნული მოსაზრება გამყარებულია ინსტიტუტის მიერ წარმოდგენილი კვლევის შედეგების მიხედვით, რომელმაც ნათლად აჩვენა, მხოლოდ შრომის ანაზღაურების ერთ-ერთ ასპექტზე შეზღუდვების დაწესება არ აისახება თანამდებობის პირთა შემოსავლების მოცულობაზე.
2014 წლის 15 ივლისის საქართველოს მთავრობის დადგენილებით უკვე დაწესდა პრემიების გაცემაზე გარკვეული შეზღუდვები, თუმცა აღნიშნულმა, არანაირი გავლენა იქონია თანამდებობის პირების შემოსავლებზე, ვინაიდან ხშირ შემთხვევაში პრემიები ჩანაცვლდა სახელფასო დანამატებით.
IDFI მიიჩნევს, რომ საჯარო სამსახურში თანამდებობრივი სარგოების, პრემიების თუ სახელფასო დანამატების სისტემის ცვლილება არ უნდა იყოს ერთჯერადი ქმედება, არამედ განხორციელდეს საჯარო სამსახურის რეფორმის კონტექსტში, ინსტიტუტის მიერ წინამდებარე კვლევაში შემოთავაზებული რეკომენდაციების გათვალისწინებით.