თეთრიწყაროს მუნიციპალიტეტის სოფლებში- ქვემო წყლულეთში და წვერში მისასვლელი გზები აღდგენილია. გზაზე გადაადგილება, როგორც ქვეითების, ისე ავტომობილებისთვის შეუზღუდავია. გაწმენდითი სამუშაოები საქართველოს რეგიონული განვითარებისა და ინფრასტრუქტურის სამინისტროს შპს „სახელმწიფო სამშენებლო კომპანიამ“ და შპს „ბორან მაინინგმა“ განახორციელეს. ბორან მაინინგმა გზა საკუთარი სახსრებით, საქველმოქმედო აქციის ფარგლებში აღადგინა.
სოფლების წყლულეთისა და წვერის გზები 13 ივნისიდან ძლიერი წვიმების შედეგად გაუვალი გახდა. დაზიანდა გზის საფარი და წყალგამტარი მილები. ამ ეტაპისთვის გაწმენდითი სამუშაოები დასრულებულია და თეთრიწყაროს მუნიციპალიტეტის სოფლებამდე მიმოსვლა სრულად არის აღდგენილი.
