“საქართველოში ჯანდაცვის სერვისებით სარგებლობისა და დანახარჯების კვლევა 2014”- ამ სახელწოდების კონფერენციას მართავს ჯანდაცვის სამინისტრო, ჯანმრთელობის მსოფლიო ორგანიზაციის, მსოფლიო ბანკის და აშშ საერთაშორისო განვითარების სააგენტოს წარმომადგენლებთან ერთად. ღონისძიების მიზანია საქართველოში ჯანდაცვის სერვისებით სარგებლობისა და დანახარჯების კვლევის შედეგების გაცნობა და მიმდინარე სიტუაციის ანალიზი, ასევე, რეკომენდაციების განხილვა. ღონისძიებას საქართველოს პრემიერ-მინისტრი დაესწრება.