13 ივნისის სტიქიის შედეგად დაღუპულთა და დაკარგულთა რაოდენობა უცვლელია. ამ დროის მონაცემებით გარდაცვლილია 19, ხოლო უგზო-უკვლოდ დაკარგულია 3 ადამიანი. ზოოპარკის ადმინისტრაციის ცნობით, კვლავ ეძებენ ვეფხვს და ზოლიან აფთარს. როგორც კრიზისების მართვის საბჭოში აცხადებენ, კლინიკებს სტიქიით დაზარალებულმა 50 პაციენტმა მიმართა, მათგან 4 კვლავ გადის სტაციონარულ მკურნალობას. პაციენტების მდგომარეობა დამაკმაყოფილებელია.