თბილისში მომხდარი სტიქიიდან მეათე დღეს, მაშველებმა ვოლიერების მიმდებარე ტეროტორიაზე სამუშაოებისას, პინგვინი აღმოაჩინეს.
სტიქიისგან გადარჩენილი პინგვინი ამ დროისთვის ზოოპარკში, ვოლიერშია გადაყვანილი.
თბილისის ზოოპარკის პრესსამსახურის წარმომადგენლის მზია შარაშენიძის თქმით, 17 პინგვინიდან ზოოპარკში 10 პინგვინი იმყოფება.
,,კარგ მდგომარეობაშია, სუფთაა, და ახლა მეთვალყურეობის ქვეშ იმყოფება,“ - განაცხადა მზია შარაშენიძემ.
შეგახსენებთ, რომ რამდენიმე დღის წინ ზოოპარკის მახლობლად, ,,ვისოლის” ავტოგასამართ სადგურზე კიდევ ერთი პინგვინი იპოვეს.