სტიქიის შედეგად უსახლ-კაროდ დარჩენილებს, მუდმივი საცხოვრებელი გადაეცემათ, - ამის შესახებ დედაქალაქის ვიცე მერმა დიმიტრი ქუმსიშვილმა ჟურნალიტებტან განაცხადა.
,,მინდა დავარწმუნო ჩვენი მოქალაქეები - ვისაც სრულად გაუნადგურდა სახლი და დღეს მათ სახლებში ტექნიკურად ვერ შეისვლება, სამართლიანი მეთოდოლოგიით, აუცილებლად მიეცემათ მუდმივი საცხოვრებელი”, - აღნიშნა ქუმსიშვილმა.
მისივე ინფორმაციით, სტიქიის სალიკვიდაციოდ, ამ დროისთვის ცენტრალური ბიუჯეტიდან გამოყოფილია 10 მილიონი ლარი, ასევე, გარკვეული თანხა არის გადმოტანილი ხაზინის ანგარიშიდან, რომელიც იყო შემოწირულობების ნაწილში.
,,პროცესი არის აბსოლუტურად გამჭვირვალე. დღეის მდგომარეობით, ჩვენ ძირითად თანხებს ვხარჯავთ გაწმენდით და აღდგენით სამუშაოებზე. ეს არის პირველადი საჭიროებები, რომელიც დაკავშირებულია, ერთი მხრივ, დაკარგული ადამიანების მოძებნაზე, მეორე მხრივ, ეს არის ადამიანების უსაფრთხო ცხოვრების უზრუნველყოფისათვის გასაწევი ხარჯები” - განაცხადა ვიცე-მერმა და დასძინა, რომ სამომავლოდ, ვებგვერდზე www.help.tbilisi.gov.ge აბსოლუტურად გამჭვირვალედ აისახება ყველა თეთრი, რომელიც აღნიშნულ სტიქიაზე გამოიყო.