ლაშა მახარაძის მკლელობისთვის ბრალდებულის საქმეზე ნაფიც მსაჯულთა ახალი შემადგენლობის შერჩევა დღეიდან განახლდება. 100 კანდიდატიდან, რომლთაც კითხვარი უკვე გადაეგზავნათ, 27 საქალაქო სასამართლოში დღეს 11 საათზე გამოცხადდება. კანდიდატთა შერჩევის პროცესის შემდეგ, რომელიც თვითაცილებას, დასაბუთებულ აცილებას და დაუსაბუთებელ აცილებას ითვალისწინებს, რამდენიმე მათგანი ნაფიცი მსაჯული გახდება. აცილების შემდეგ ყოველკვირეულად კითხვარი 30 ადამიანს გადაეგზავნება მანამდე, სანამ 12 ძირითადი და ორი სათადარიგო ნაფიცი მსაჯულის საბოლოო შერჩევა არ მოხდება.
