გია გაჩეჩილაძე დარწმუნებულია, რომ „ციხეში მჯდომი გიგი უგულავაც არავიზე ნაკლებად არ განიცდის სტიქიის შედეგებს“. ამის შესახებ უცნობმა „იმედის კვირაში“ განაცხადა.
„ყველანი ერთნაირად განვიცდით ამას [სტიქიის შედეგებს]. თუნდაც ციხეში მჯდომი გიგი უგულავაც არავიზე ნაკლებად არ განიცდის იმას, რაც საქართველოში მოხდა, დარწმუნებული ვარ. ყველანი განვიცდით ერთნაირად", - განაცხადა გია გაჩეჩილაძემ.
პირდაპირი ეთერში ჩართვისას უცნობმა ასევე შეაფასა ხელისუფლების მოქმედებები სტიქიური უბედურების დროს.
„ძალიან საშინელი ამბავი მოხდა. მე გონი ხელისუფლება ადეკვატურად მოიქცა სტიქიის მომენტში. არ მგონია, რომელიმე ხელისუფლება ამაზე უფრო ძლიერად დამდგარიყო ამ სტიქიის წინაშე იმ რესურსებით, რა რესურსებიც გააჩნდა. ამ სტიქიის მიზეზი იყო ბუნების რისხვა, ხელისუფლებას როგორც შეეძლო ისე გაუმკლავდა. ტელეეკრანებიდან ყველაფერი დავინახეთ: არაფერი დაუკლიათ, რომ სტიქია შეეჩერებინათ“, - აღნიშნა უცნობმა.