გარემოს დაცვის სამინისტროს გეოლოგიის დეპარტამენტის უფროსის მერაბ გაფრინდაშვილის თქმით, მარტო მეწყერი არ გამხადარა მასშტაბური სტიქიური უბედურების  მიზეზი. როგორც მან „2030“-ის ეთერში აღნიშნა, 13 ივნისს საქმე გვქონდა 8 სტიქიური მოვლენის თანხვედრასთან. სპეციალისტის თქმით, მდინარე ვერეს  „კლასიკურ გადაკეტვას ადგილი არ ჰქონია“.

„მარტო მეწყერი არ გამხადარა ასეთი სტიქიის მიზეზი, თუმცა ერთერთი მნიშვნელოვანი როლი ითამაშა. 13-14 ივნისის ღამეს მოხდა 8 სტიქიური მოვლენის თანხვედრა: მეწყერი, კლდეზვავი, ღვარცოფი, მდინარეების ნაპირების გარეცხვა, სიღრმითი ეროზია, უხვი ნალექი, წყალდიდობა და დატბორვა, - განაცხადა გეოლოგმა და დაამატა: კლასიკურ გადაკეტვას და გარღვევას  იქ ადგილი არ ჰქონია. იყო მდინარის 2-3 წუთიანი ჩახერგვა, 3 მეტრით თუ აიწია წყლის დონემ.“

მისივე თქმით, ახალდაბის ადგილობრივი მოსახლეობის გამოკითვის თანახმად მეწყერის ჩამოწოლა მოხდა 23:00 ფარგლებში.