საგანგებო შტაბის სხდომაზე პრემიერ-მინისტრმა ირაკლი ღარიბაშვილმა განაცხადა, რომ სახელმწიფო ვერეს ხეობის გადაგეგმარებას გეგმავს.
„ჩვენთვის ახლა მთავარია, რაც შეიძლება სწრაფად გადავწყვიტოთ, თუ რას ვუპირებთ იმ გზას, რომელიც დაზიანდა. ჩვენ მოგვიწევს მთელი ხეობის გადაგეგმარება. ჩვენთვის ექსპერტების და სპეციალისტების ჩართვა უაღრესად მნიშვნელოვანია. სწორედ ამ მიზნით, ჩვენ უზრუნველვყავით ღიაობა და გამჭვირვალობა. დაპირებისამებრ, უცხოელი ექსპერტები უკვე ჩართულები არიან და კიდევ მოვიწვევთ ყველაზე ცნობილ კომპანიებს და ექსპერტებს, რომ რაიმე შეცდომა არ გაგვეპაროს. ამ პრობლემის მოგვარება ნახევარ საუკუნეზე მეტი ვერ შეძლო ვერც ერთმა მთავრობამ, ამიტომ, ჩვენ ვართ ვალდებულები გადავჭრათ ეს პრობლემა ერთხელ და სამუდამოდ, რომ მომავალ თაობას არ დავუტოვოთ ეს პრობლემა გადაუჭრელი“,- განაცხადა ღარიბაშვილმა.
