მარნეულის მუნიციპალიტეტის სოფელ ამბაროვკაში გამორიყული ლეშის გადასამოწმებლად ზოოპარკის დირექტორი გაემგზავრება
ზოოპარკის პრესსამსახურის უფროსის მზია შარაშიძის განცხადებით, გავრცელდა ინფორმაცია, რომ მარნეულში მდინარემ ზოლებიანი აფთრის ლეში გამორიყა, რის გამოც ზურაბ გურიელიძე ადგილზე მიემგზავრება.
„ჩვენც გვაქვს ინფორმაცია, რომლის გადასამოწმებლად ზურაბ გურიელიძე ადგილზე მიემგზავრება. ამოცნობის შემდეგ დადგინდება, ეკუთვნის თუ არა ლეში იმ აფთარს, რომელსაც ქალაქში ეძებენ“, - განაცხადა მზია შარაშიძემ.
თბილისში რამდენიმე დღეა, ზოოპარკიდან გაქცეულ ვეფხვსა და ზოლებიან აფთარს ეძებენ. პარალელურად, „112“-ში მტაცებელი ცხოველის დაფიქსირების შესახებ შეტყობინებები რუსთავიდან და წყნეთიდანაც შედის. ჯერჯერობით, არც ერთი მსგავსი შეტყობინება არ დადასტურებულა.
მთელი დღის განმავლობაში მაშველები და მონადირეები ნადირს კუს ტბის ტერიტორიაზე ეძებენ.
