ვაკე-საბურთალოს დამაკავშირებელი ახალი გზის გახსნის საკითხი ამ ეტაპისთვის გაურკვეველია. ვიცეპრემიერმა, ენერგეტიკის მინისტრმა კახი კალაძემ ჟურნალისტებს შესაბამის კითხვასთან დაკავშირებით განუცხადა, რომ ამაზე პასუხს შესაბამისი ექსპერტები გასცემენ.
,,ამაზე პასუხს იტყვიან შესაბამისი ექსპერტები, რომლებმაც იციან ეს საკითხი და შესაბამისი გამოცდილება გააჩნიათ. ეს ყველაფერი ცნობილი, საჯარო და გამჭვირვალე იქნება", - აღნიშნა კალაძემ.
მისივე თქმით, ექსპერტები გამოიკვლევენ ასევე სტიქიის გამომწვევ მიზეზებს.
,,გვსურს ჩატარდეს კვლევები, მოხდეს დადგენა, თუ რამ გამოიწვია ეს ყველაფერი, რისი ბრალი იყო. რაც შეეხება იმ პროექტს, რომელიც იყო განხორციელებული, ჩვენ უნდა გავიგოთ რამდენად სწორი იყო ეს ყველაფერი გაკეთებული და დაპროექტებული", - განაცხადა კალაძემ.
