24 ივნისს, 10:00 საათზე, საქართველოს ტექნიკური უნივერსიტეტის ბიზნეს-ინჟინერინგის ფაკულტეტის ლიბერალურ მეცნიერებათა დეპარტამენტი და ვილნიუსის უნივერსიტეტი ატარებენ საერთაშორისო სამეცნიერო სემინარს "პოლიტიკური დისკურსის თავისებურებების შედარებითი ანალიზი".
მისამართი: თბილისი, მ. კოსტავას ქ. 77, სტუ-ს 6 კორპ. 9 სართული, ბიზნეს-ინჟინერინგის ფაკულტეტის ბიბლიოთეკა.
სემინარის მიზანი და ამოცანები: სამეცნიერო ინფორმაციის გაცვლა «პოლიტიკური დისკურსის» ცნების გააზრების საკითხებზე ლიტვის და საქართველოს სამეცნიერო სკოლებში; პროექტის „ლინგვისტური ლანდშაფტის: ვილნიუსი-თბილისი შედარებითი ანალიზი“ პრეზენტაცია და პარტნიორების ძებნა ერთობლივი რეალიზაციისათვის.
სემინარის ფარგლებში ნავარაუდევია 4 მოხსენების მოსმენა:
- ალა დიომიდოვა (ვილნიუსის უნივერსიტეტი).სუპერლატივი პრეზიდენტის დისკურსში (პრეზიდენტის ყოველწლიურიგზავნილების მასალებზე).
- ჟანეტა ვარძელაშვილი (საქართველოს ტექნიკური უნივერსიტეტი).მასობრივი შეგნების მანიპულაციის ენობრივი საშუალებები (ჯ. ბუშის, ბ. ობამას, ვ. პუტინის, დ. მედვედევის გამოსვლების შედარებითი ანალიზი).
- ტატიანა მეგრელიშვილი(საქართველოს ტექნიკური უნივერსიტეტი).პოლიტიკური ანალიტიკის ჟანრობრივი ტრანსფორმაციები (რუსულენოვანი მასობრივი ინფორმაციის საშუალებების მასალების საფუძველზე).
- ალა დიომიდოვა და იურატე რადავიჩუტე (ვილნიუსის უნივერსიტეტი).პროექტის „ლინგვისტური ლანდშაფტის: ვილნიუსი-თბილისი შედარებითი ანალიზი“ პრეზენტაცია.
მოხსენებების რეგლამენტი – 15 წუთი, კამათი- 10 წუთი თითოეულ მოხსენებაზე, პროექტის პრეზენტაცია - 10 წუთი.
სემინარის მონაწილეებს გადაეცემათ შესაბამისი სერტიფიკატი.
სემინარის ორგანიზატორები: დოვილე იაკნიუნატე (PhD, დოცენტი, პროექტის ხელმძღვანელი, ქ. ვილნიუსი); ალა დიომიდოვა (PhD, დოცენტი, ქ. ვილნიუსი);იურატე რადავიჩუტე (PhD, უცხო ენების კათედრის მასწავლებელი, ქ. ვილნიუსი); ჟანეტა ვარძელაშვილი (ფილ. მეცნ. დოქტორი, პროფესორი, ქ. თბილისი); ტატიანა მეგრელიშვილი (ფილ. მეცნ. დოქტორი, პროფესორი, ქ. თბილისი).
სემინარის სამუშაო ენები – ქართული, ინგლისური, რუსული.