ვეფხვის მოსაძებნად ეთნოგრაფიული მუზეუმიდან ბაგებამდე ვიდეო და ფოტოხაფანგებია დაყენებული, ასევე დაიყარა ლეში. სწორედ ამ ტერიტორიაზე მიმდინარებს ვეფხვის ძებნის სამუშაოები, რომელშიც სპეცრაზმი და მონადირეები, გაწვრთნილ ძაღლებთან ერთად მონაწილეობენ.
"ცხოველების სამძებრო სამუშაოებში წუხელვე ჩაერთო პროფესიონალი მონადირეებისგან შექმნილი ჯგუფები. მათ მერიისა და შსს-ს თანამშრომლებთან ერთად ღამის განმავლობაში კუს ტბის, ეთნოგრაფიული მუზეუმი და სვანიძის ქუჩის მიმდებარე ტერიტორია შეამოწმეს, ჯერჯერობით მტაცებელი ცხოველის კვალი აღმოჩენილი არ არის,"-განაცხადა სახელმწიფო უსაფრთხოებისა და კრიზისების მართვის საბჭოს მდივნის მოადგილე გიორგი ღიბრაძემ.
შეგახსენებთ, რომ სამმა მოქალაქემ მონადირეებს და სპეციალურ სამსახურებს მიაწოდა ფოტომასალა, სადაც მტაცებელია აღბეჭდილი.
სპეციალისტები დარწმუნდნენ, რომ ფოტოები, დაახლოებით, ერთსა და იმავე ადგილასაა გადაღებული.
