17 ივნისს, ლაგუნა ვერეზე მოკლულ ვეფხვს ექსპერტიზა უტარდება, რათა დადგინდეს იგი არის თუ არა ვეფხვი, რომელიც გასულ დღეებში მოკლული ეგონათ. ამის შესახებ კრიზისების მართვის საბჭოს ხელმძღვანელის მოადგილემ ლევან ღირსიაშვილმა ლიბერალთან საუბარში განაცხადა.
,,ამჟამად 17 ივნისს მოკლული ვეფხვის გაკვეთა, ექსპერტიზა მიმდინარებს და შემდეგ უკვე, თამამად შეგვეძლება, ვთქვათ, ეს იყო თუ არა ის ვეფხვი. ამაში ჩართულია ზოოპარკის ხელმძღვანელობა და შესაბამისი უწყებებებიც. თუ ის ვეფხვი ცოცხალი არ იყო ე.ი. იყო სხვა ვეფხვი”, - განაცხადა ღირსიაშვილმა.
შეგახსენებთ, ლაგუნა ვერეზე ვეფხვი მას შემდეგ იქნა მოკლული, რაც მან აბრეშუმის ყოფილი ქარხნის ტერიტორიაზე ადამიანი დაგლიჯა. ამ დრომდე უცნობია, ცოცხალი იყო თუ არა ლაფში ჩაფლული ვეფხვი, რომელიც რუსთავის 2-ის გადამღებმა ჯგუფმა 16 ივნისს, იმავე ტერიტორიაზე გადაიღო.