საქართველოს პრემიერ-მინისტრი - ირაკლი ღარიბაშვილი, თბილისის მუნიციპალიტეტის საკრებულოს თავმჯდომარე - გიორგი ალიბეგაშვილი, დედაქალაქის მერი - დავით ნარმანია, საკრებულოს ფრაქციის „ქართული ოცნება-დემოკრატიული საქართველოსთვის“ თავმჯდომარე - რიმა ბერაძე ვაკე-საბურთალოს დამაკავშირებელ გზაზე იმყოფებოდნენ, სადაც სტიქიის შედეგად დაღუპულთა მემორიალი უნდა გაიხსნას.
ოფიციალურმა პირებმა ადგილი გვირგვინებით შეამკეს, სტიქიის შედეგად გარდაცვლილთა ხსოვნას პატივი მიაგეს და ტრაგედიისას დაღუპულთა ოჯახებს კვლავ მიუსამძიმრეს.
„ამ ადგილზე, ტრაგედიის შედეგად დაღუპულთა ხსოვნის პატივსაცემად მემორიალი გაიხსნება, რითაც მათ სახელებს უკვდავყოფთ. კიდევ ერთხელ ვუსამძიმრებთ დაღუპულთა ოჯახებს და ვიმედოვნებთ, რომ ასეთი ტრაგედია საქართველოში არასდროს განმეორდება. “, - განაცხადა გიორგი ალიბეგაშვილმა.