თბილისის მერიის გადაწყვეტილებით, სტიქიის ზონაში მოხალისეები საჭიროების მიხედვით გადანაწილდებიან. ამის შესახებ დედაქალაქის მერმა დავით ნარმანიამ განაცხადა.
"იმის გამო, რომ არსებობს გარკვეული წესები, ამ წესებს ყველა უნდა დავემორჩილოთ. ეს პირველ რიგში ეხება იმას, თუ როგორ უნდა ეცვათ მოხალისეებს. გარდა ამისა, ჯანდაცვის სამინისტრომ გამოაქვეყნა მკაფიო ინსტრუქცია, რომლის მიხედვითაც ვიმოქმედებთ", - განაცხადა ნარმანიამ.
ამ დროისთვის სვანიძის ქუჩაზე, 50-ზე მეტი მოხალისე მივიდა. ისინი პირბადეებით არიან აღჭურვილი და ისეთი ტანსაცმელი აცვიათ, რომელიც სხეულს მთლიანად უფარავთ. აღნიშნულთან დაკავშირებით რეკომენდაცია ჯანდაცვის სამინისტრომ გასცა. მოხალისეები დღეს სხვადასხვა სამუშაოებში მიიღებენ მონაწილეობას.
როგორც თბილისის მერმა დავით ნარმანიამ სვანიძის ქუჩაზე დღეს ჟურნალისტებთან საუბარში განაცხადა, მდინარიდან ხე-ტყის ამტანა და დამუშავება მოხდება, რომელშიც ასევე მონაწილეობენ ჯარისკაცები.
ადგილზე იმყოფებიან მერიისა და ენერგეტიკის სამინისტროს შესაბამისი სამსახურების წარმომადგენლები.
სვანიძის ქუჩზე შესვლა შეზღუდულია.
