თბლისში სტიქიით დაზარალებული ოჯახების დახმარების ფონდისთვის სრულიად საქართველოს კათოლიკოს-პატრიარქის, უწმიდესისა და უნეტარესი ილია II-ის ლოცვა-კურთხევით, საქართველოს საპატრიარქო გადარიცხავს 100 000 ლარს და ყველაზე მრავალშვილიან სოციალურად დაუცველ ოჯახს, ქალაქის მერიასთან შეთანხმებით, გადასცემს სამოთახიან ბინას, რომელიც მრევლმა საქართველოს საპატრიარქოს ახლახანს შესწირა.
უწმინდესობამ ასევე მოუწოდა მღვდელმთავრებს, რათა ეპარქიებმა შესაძლებლობისამებრ გაიღონ დახმარება დაზარალებულთათვის.