თბილისის მუნიციპალიტეტის საკრებულოს მაჟორიტარი წევრი გულიკო ზუმბაძე, შპს ,,ლილო-მოლის“ გენერალური დირექტორი გია კვარაცხელია და მერის მოადგილე ირაკლი ლექვინაძე ზოოპარკის ტერიტორიაზე მივიდნენ და ადმინისტრაციას ამ ეტაპზე მათთვის ყველაზე მნიშვნელოვანი და აუცილებელი ინვენტარი და ნივთები გადასცეს.
გულიკო ზუმბაძის განცხადებით, შპს ,,ლილო-მოლი“, რომელიც დეპუტატის სამაჟორიტარო ოლქში მდებარეობს, ყოველთვის მზადაა საკუთარი წვლილი ქალაქსა თუ რაიონში არსებული პრობლემების გადაჭრაში შეიტანოს.
შპს ,,ლილო-მოლის“ დირექტორის გია კვარაცხელიას თქმით, აღნიშნული ღონისძიება ერთჯერად ხასიათს არ ატარებს და ადმინისტრაცია სტიქიის შედეგად დაზარალებული ოჯახების დასახმარებლადაც აცხადებს მზადყოფნას.