პრემიერ-მინისტრი ირაკლი ღარიბაშვილი გაქცეულ ცხოველებთან დაკავშირებით არასწორი ინფორმაციის გავრცელებული ინფორმაციის გამო საზოგადოებას ბოდიშს უხდის.
როგორც პრემიერმა საგანგებო სხდომაზე აღნიშნა, იმ განცხადების გაკეთებისას, რომლის თანახმად, დედაქალაში მტაცებლები აღარ იყვნენ, ის საგანგებო შტაბის ცნობებს ეყრდნობოდა, რომელიც თავის მხრივ, თბილისის ზოოპარკს დაეყდრნო.
”მე ვგრძნობ ძალიან შეწუხებულად თავს. მინდა, საზოგადოებას ბოდიში მოვუხადო ამ არასწორი ინფორმაციის გავრცელებისთვის, მიუხედავად იმისა, რომ ეს ინფორმაცია ეყრდნობოდა ზოოპარკის მიერ მოწოდებულ ინფორმაციას და წყარო იყო ზოოპარკის ადმინისტრაცია და თვითონ დირექტორი, რომელმაც არართხელ განუცხადა საგანგებო შტაბს, ასევე შსს-ს, რომ ეს ცხოველები აღარ იმყოფებოდნენ გარეთ“, - განაცხადა ირაკლი ღარიბაშვილმა.
15 ივნისს, საგანგებო შტაბის სხდომაზე ირაკლი ღარიბაშვილმა განაცხადა, რომ ზოოპარკის ადმინისტრაციისგან მიღებული ცნობით, არც ერთი მტაცებელი პარკის გარეთ არ იმყოფებოდა.