დედაქალაქის მუნიციპალიტეტის საკრებულოს აპარატის თანამშრომლები დილის 09.00 საათიდან სვანიძის ქუჩასა და წყნეთის გზატკეცილზე სტიქიით დაზარალებულ მოსახლეობას ამ წუთებშიც ეხმარებიან და გაწმენდით სამუშაოებში იღებენ მონაწილეობას.
საკრებულოს წარმომადგენლები სოლიდარობის ნიშნად, თბილისში 13 ივნისს მომხდარი ძლიერი სტიქიის შედეგად წვიმისგან დაზიანებულ ტერიტორიას მიწისგან და ქვა-ღორღისგან ასუფთავებენ.
მოხალისეების განცხადებით, გაწმენდით სამუშაოებში მონაწილეობას ისინი სხვადასხვა ლოკაციებზე დღის ბოლომდე გააგრძელებენ.
