მთავრობის ადმინისტრაციაში პრემიერ-მინისტრის ხელმძღვანელობით საგანგებო შტაბის სხდომა გვიან ღამემდე გაგრძელდა. მინისტრებმა სტიქიის შედეგები და არსებული ვითარება შეაჯამეს. ფინანსთა მინისტრის განცხადებით, ზარალი 100 მილიონ ლარს აჭარბებს. ნოდარ ხადური განმარტავს, რომ ხელისუფლება თანხის მობილიზებისთვის რამდენიმე მიმართულებით მუშაობს. როგორც ფინანსთა მინისტრი აღნიშნავს, ხაზინასა და ბანკებში უკვე 4, 6 მილიონ ლარზე მეტია მობილიზებული. რაც შეეხება სტიქიის შედეგად დაშავებულ ადამიანებს, ჯანდაცვის მინისტრი აცხადებს, რომ ამ დროისთვის სტაციონარში მკურნალობას 6 პაციენტი აგრძელებს, რომელთაგანაც ერთის მდგომარეობა შედარებით მძიმეა.
