სტიქიის შედეგების სალიკვიდაციოდ ევროკომისია საქართველოს 3 მილიონ ევროს გამოუყოფს. სოლიდური თანხა წყალდიდობის შედეგად დაზარალებული სახლების აღდგენასა და დაზარალებულთა საცხოვრებელი ფართებით დაკმაყოფილებას მოხმარდება. თანხა საქართველოს ბიუჯეტის გავლით დაიხარჯება. გარდა ამისა, ევროკომისია სტიქიით დაზარალებულებს ჰუმანიტარული დახმარების სახით 400 ათას ევროს გამოუყოფს. თანხით წითელი ჯვარი და არასამთავრობო ორგანიზაციები დაზარალებულებს პროდუქტით, მედიკამენტებითა და პირველადი მოხმარების საგნებით მოამარაგებენ.
