სვანიძის ქუჩაზე სახლების პირველი სართულები გაწმენდილია. მიმდინარეობს სარდაფებიდან წყლის ამოტუმბვა.
პარალელურად, აქტიურად მიმდინარეობს ჩახერგილი შესახვევის ხეებისგან გაწმენდა.
ჩატარდა ექსპერტიზა შენობების მდგრადობაზე. მუშაობა მიმდინარეობს იმ სახლებში, რომლებიც დღეს გაიწმინდა. მდგრადობაზე პირველადი შეფასება მზად დღის ბოლომდე იქნება.
სავარაუდოდ, უახლოეს საათებში ქუჩა სრულად გაიწმინდება, რის შემდეგაც შესაძლებელი გახდება საავტომობილო მოძრაობის აღდგენა. მიმდინარეობდა სამაშველო სამუშაოები ვერის ორივე ნაპირზე. სამუშაოებში ჩართული იყო 100 სამხედრო, 30 სპორტსმენი და 200 მოხალისე.
