ძაღლების თავშესაფარი დროებით სამგორის რაიონში, სოკოს სათბურების ტერიტორიაზე გადაინაცვლებს.
ამის შესახებ ინფორმაცია თამაზ ელიზბარაშვილის ძაღლების თავშესაფრის ოფიციალურ ,,ფეისბუკ-გვერდზეა” განთავსებული.
,,დროებითი თავშესაფარი ჩვენს ბინადრებს სამგორის რაიონში, კაიროს 9 ნომერში მდებარე სოკოს სათბურების ტერიტორიაზე მისცეს.
ეკონომიკის სამინისტრომ ეს ტერიტორია ,,თამაზ ელიზბარაშვილის ძაღლების თავშესაფარს'' დროებითი სარგებლობისათვის გადასცა.
უპირველესი პრობლემა, რაც უნდა მოგვარდეს, ელექტროენერგიის მიწოდების აღდგენაა.
ამჟამად მიმდინარეობეს ჩვენი ბინადრების გადმოყვანა აღნიშნულ მისამართზე.
იყავით ყურადღებით, როგორც კი დაგვჭირდება მოხალისეების თანადგომა, ჩვენი გვერდის საშუალებით გამოვაცხადებთ.
გვეიმედებით მეგობრებო!!!” - ნათქვამია განცხადებაში.
შეგახსენებთ, რომ სვანიძის ქუჩაზე მდებარე ძაღლების თავშესაფარი სტიქიამ მთლიანად გაანადგურა.
