ზოოპარკი თბილისის ზღვის ტერიტორიაზე გადავა, - ამის შესახებ განცხადება თბილისის მერმა გააკეთა. დავით ნარმანიას თქმით, ადგილი უკვე შერჩეულია.
მისი თქმით, ზოოპარკის ძველ ადგილზე დატოვებას აზრი არ აქვს, ამიტომ ეტაპობრივად უნდა მოწესრიგდეს ახალი ზოოპარკი თბილისის ზღვის მიმდებარე ტერიტორიაზე, სადაც ამისთვის კონკრეტული ტერიტორია შერჩეული და გამოყოფილია.
"არის 2 სხვადასხვა პროექტი, რომელიც თბილისის მერიაში ჩვენამდე იყო მომზადებული და ინახებოდა, როგორც კი ამ გადაუდებელ სამუშაოებს მოვრჩებით, ვიმსჯელებთ სამომავლო განვითარების საკითხებთან დაკავშირებით, თუ რა გზით და რა პროექტით ვიმუშავებთ," - განაცხადა დავით ნარმანიამ.