თბილისის მერიის კეთილმოწყობის საქალაქო სამსახურის უფროსის ავთანდილ სუდაძის მტკიცებით, გმირთა მოედანზე არსებული ესტაკადა პირველივე დღიდან გამოკვლეულია და უსაფრთხოა. როგორც მან ჟურნალისტებთან განაცხადა, არც ერთი მათგანი სერიოზულად დაზიანებული არ არის, თუ არ ჩავთვლით პლასტმასის მილებს.
რაც შეეხეხება ბაგებში ჩამოწოლილ მეწყერს, სუდაძის განცხადებით, უკვე არსებობს პირველადი გადაწყვეტილება, რის შემდეგადაც დაიწყება დეტალური მოკვლევა და გაწმენდითი სამუშაოები.
"ბაგებში ჩამოწოლილ მეწყერთან დაკავშირებით შეხვედრა გვქონდა ყველა უწყებასთან, რომელიც ჩართულია პრობლემის გადაჭრაში. პირველი გადაწყვეტილება უკვე მიღებული გვაქვს და დავიწყებთ დეტალურ გამოკვლევას, სამუშაოების დაგეგმვას, რასაც ძალიან მალე რეაბილიტაციის სამუშაოები მოჰყვება. ასევე განხორციელდება პრევენციული ღონისძიებები, რათა სტიქიის განმეორების შემთხვევაში, მსგავსი შედეგები თავიდან იქნას აცილებული", - განაცხადა ავთანდილ სუდაძემ.
