თბილისის მუნიციპალიტეტის საკრებულოს ფრაქცია „ქართული ოცნება დემოკრატიული საქართველოსთვის “ წევრებმა და კოალიციაში შემავალი სხვა ფრაქციების წარმომადგენლებმა ვაკის გამგებელთან - ლაშა აბაშიძესთან სამუშაო შეხვედრა გამართეს.
გამგებელმა დეპუტატებს სტიქიის ადგილებში არსებული ვითარება დეტალურად გააცნო და დაზარალებული ოჯახების სასტუმროებში განთავსებასთან დაკავშირებულ სამომავლო გეგმებზე ბოლო ინფორმაცია მიაწოდა.
ლაშა აბაშიძის თქმით, დაზარალებული 120 ოჯახი სასტუმროებშია დაბინავებული. მისივე ინფორმაციით, ოჯახები პირველადი მომხმარების ნივთებით, ტანსაცმლით, მედიკამენტებით და საკვები პროდუქტებით უზრუნველყოფილია. გამგებელმა, ამავე შეხვედრაზე, საკრებულოს წევრებს უგზო-უკვლოდ დაკარგულ და დაღუპულ ადამიანებთან დაკავშირებით ინფორმაცია მიაწოდა. გამგებლის თქმით, ბოლო მონაცემებით დაღუპულია 15 ხოლო დაკარგულად 7 ადამიანი ითვლება. ლაშა აბაშიძის განცხადებით შექმნილია ზარალის აღმწერი ჯგუფები, რომლებიც დეტალურად აღწერენ სტიქიით მიყენებული ზარალის ოდენობას.
