სახელმწიფო უსაფრთხოებისა და კრიზისების მართვის საბჭოს ხელმძღვანელის მინდია ჯანელიძის განცხადებით, ამ ეტაპზე მოსახლეობას მტაცებელი ცხოველების მხრიდან საფრთხე არ ემუქრება.
ჯანელიძის განცხადებით, ყველა ცხოველი, რომელიც დაიკარგა ზოოპარკის ტერიტორიიდან, ან დაბრუნებულია ზოოპარკის ვოლიერებში, ან არის ნაპოვნი დამხრჩვალი, ან ლიკვიდირებული.
,,გუშინ გავრცელდა ზოოპარკის ადმინისტრაციის მხრიდან ინფორმაცია და დღეს ეს ინფორმაცია გადამოწმდა და დადასტურდა, რომ ყველა ცხოველი, რომელიც დაიკარგა ზოოპარკის ტერიტორიიდან, ან დაბრუნებულია ზოოპარკის ვოლიერებში, ან არის ნაპოვნი დამხრჩვალი, ან ლიკვიდირებული. მოსახლეობის საყურადღებოდ მინდა ვთქვა, რომ ამ ეტაპზე მოსახლეობას მტაცებელი ცხოველების მხრიდან საფრთხე არ ემუქრება", - განაცხადა ჯანელიძემ.
შეგახსენებთ, რომ ამ დრომდე დაკარგულად ითვლებოდა 2 ვეფხვი, 1 დათვი და 1 აფთარი.
თუმცა, ზოოპარკის ადმინისტრაცია ვარაუდობს, რომ დაკარგულ ცხოველებს ტერიტორია არ დაუტოვებიათ და მათ ზოოპარკში წყლის დონის კიდევ უფრო მეტად დაკლების შემდეგ იპოვიან.
გავრცელებული იყო ინფორმაცია, თითქოს ვაკეში ავაზა ნახეს - თუმცა მისი პოვნა ვერ მოხერხდა.