ჩუღურეთში, ჩეჩელაშვილის ქ. #74 -ში მდებარე საცხოვრებელი სახლის უკან მეწყერი ჩამოწვა, რის შედეგადაც დაზიანდა სახლის კედელი და სახურავი, დაბზარულია კედლებიც.
კრიზისების მართვის საბჭოს ინფორმაციით, ადგილზე მობილიზებული იყვნენ საპატრულო პოლიციის, სამაშველო სამსახურისა და დიდუბე-ჩუღურეთის გამგეობის წარმომადგენლები.
დღეს ადგილზე იმყოფებიან გარემოს ეროვნული სააგენტოს გეოლოგები და სწავლობენ ვითარებას, რის შემდეგაც განხორციელდება შესაბამისი სამუშაოები.
