სვანიძის ქუჩის მიმდებარე ტერიოტრიაზე, ე.წ. ახალი გზის დასაწყისში, ტრაგედიის ადგილას მოქალაქეებმა სანთლები და ყვავილები მიიტანეს. სამგლოვიარო-სოლიდარობის აქციას თბილისის მუნიციპალიტეტისა და საკანონმდებლო ორგანოს წარმომადგენლებიც შეუერთდნენ. შეკრებილებმა პატივი 13 ივნისს სტიქიის შედეგად გარდაცვლილი ადამიანების ხსოვნას მიაგეს. სამგლოვიარო აქცია გაიმართა თბილისის საკრებულოსთანც. ახალგაზრდებმა და სტუდენტებმა დაღუპულთა ოჯახებს სანთლებითა და ყვავილებით მიუსამძიმრეს.
