სტიქიის შედეგების სწრაფად და ეფექტიანად აღმოფხვრის მიზნით დაზარალებულ უბნებზე სახელმწიფო უწყებების ფუნქციები განაწილდება. გადაწყვეტილება საგანგებო შტაბის სხდომაზე მიიღეს, რომელიც პრემიერ-მინისტრმა ჩაატარა. ზოოპარკის ტერიტორიაზე თავდაცვის სამინისტრო იმუშავებს, სვანიძის ქუჩაზე - თავდაცვის სამინისტრო და თბილისის მერიის დასუფთავების სამსახური, ყიფშიძის ქუჩაზე - გარემოს დაცვის სამინისტრო, წყნეთის ქუჩაზე - თბილისის მერიის დასუფთავების სამსახური, "მზიურის" ტერიტორიაზე - შინაგანი ჯარი, შინაგან საქმეთა სამინისტროს მაშველები. ტერიტორიაზე მობილიზებული იქნება დამატებითი ტექნიკაც.