წრიული მოძრაობა გმირთა მოედანზე, მარჯვენა სანაპირო, მელიქიშვილის გამზირი და ნაწიოლობრივ ვარაზის ხევიც - დედაქალაქში ძირითადი საგზაო მონაკვეთები დღეს გაიხსნება. გაწმენდითი სამუშაო თბილისის ცენტრში ამ წუთებშიც მიმდინარეობს. ქუჩების მორეცხვის პროცესი დედაქალაქის მასშტაბით მთელი ღამის განმავლობაში გრძელდებოდა. „თბილსერვის ჯგუფის“ თანამშრომლებმა გმირთა მოედანზე არსებული ესტაკადა, სანაპირო ზოლი მშრალი ხიდისა თამარ მეფის ხიდებს შორის არსებული ტერიტორია და ვარაზისხევი მორეცხეს. ადგილზე მუშაობდა სპეციალური ტექნიკა. გზის მორეცხვამდე ტერიტორია სტიქიისას ჩამოტანილი ტალახისგან გასუფთავდა.
