ზოოპარკის ადმინისტრაციისგან მიღებული ცნობით, არც ერთი მტაცებელი ცხოველი ზოოპარკის ფარგლებს გარეთ არ იმყოფება, - განაცხადა პრემიერ-მინისტრმა საგანგებო შტაბის სხდომაზე.
”ზოოპარკში მიმდინარე გაწმენდითი სამუშაოების შედეგად, ნაპოვნია რამდენიმე დამხრჩვალი ლომი, მგელი და დათვი. ზოოპარკის ადმინისტრაციისგან მიღებული ინფორმაციით, სოციალურ ქსელებში და საინფორმაციო სააგენტოების მიერ გავრცელებული სხვადასხვა სახის ინფორმაცია და ფოტოები, თბილისის ქუჩებში მტაცებელი ცხოველების გამოჩენასთან დაკავშირებით, სიმართლეს არ შეესაბამება, ასევე ზოოპარკის ადმინისტრაციისგან მიღებული ცნობით, არც ერთი მტაცებელი ცხოველი ზოოპარკის ფარგლებს გარეთ არ იმყოფება და მოსახლეობას, ამ მხრივ, პანიკის საფუძველი არ გააჩნია“, - განაცხადა პრემიერ-მინისტრმა.