საქართველოს მთავრობა თამაზ ელიზბარაშვილს ძაღლების თავშესაფარის ასაშენებლად სპეციალურ ადგილს სთავაზობს.
ამის შესახებ ინფორმაცია ,,ჯი-ეიჩ-ენს” ელიზბარშვილმა დაუდასტურა.
,,ეკონომიკის სამინისტროსგან მივიღე შემოთავაზება. საუბარი რამდენიმე ადგილს ეხება, სადაც თავშესაფრის აშენებაა მოსახერხებელი და არჩევანი ერთობლივად უნდა გავაკეთოთ. ახლა სწორედ ამ საკითხზე სასაუბროდ მივდივარ სამინისტროში.” - განაცხადა თამაზ ელიზბარაშვილმა.
შეგახსენებთ, სვანიძის ქუჩაზე მდებარე ძაღლების თავშესაფარი, რომელიც თამაზ ელიზბარაშვილმა საკუთარი ძალებით დაარსა და რამდენიმე ათეული ბინადარი ჰყავდა შეფარებული, მათ შორის მურა დათვებიც, 14 ივნისს სტიქიის შედეგად განადგურდა.