თბილისში, გმირთა მოედანსა და მტკვრის მარჯვენა სანაპიროზე საავტომობილო მოძრაობა, სავარაუდოდ, დღეს საღამოს გაიხსნება. ამის შესახებ ჟურნალისტებს დედაქალაქის მერის მოადგილემ გიორგი სოლომონიამ განუცხადა.
,,დღეს საღამოს შესაძლებელია, რომ მოძრაობა აღდგეს გმირთა მოედანზე, მტკვრის მარჯვენა სანაპიროზე, თამარ მეფის გამზირიდან პანდუსის მიმართულებით მონაკვეთზე, ასევე კოსტავას გამზირზე ტელევიზიის მიმდებარე ტერიტორიასთან” - განაცხადა სოლომონიამ.
გმირთა მოედანზე ამ წუთებში გაწმენდითი სამუშაოები მიმდინარეობს.