მგზავრთა ნაკადის მნიშვნელოვნად გაზრდის მიუხედავად, თბილისის მეტროპოლიტენი სამუშაო საათების გახანგრძლივებას არ გეგმავს. ამის შესახებ, ,,ჯი-ეიჩ-ენს” თბილისის მეტროპოლიტენის პრესსამსახურში განუცხადეს.
,,სამუშაო საათების გახანგრძლივებას არ ვგეგმავთ, რადგან ისედაც გახანგრძლივებული რეჟიმით გვიწევს მუშაობა”, _განაცხადა თბილისის მეტროპოლიტენის პრსსამსახურის წარმომადგენელმა ნუცა ხიზილბეგიშვილმა.
მათივე განმარტებით, თბილისის მეტროს გააჩნია სათანადო რესურსი მგზავრთა გაზრდილი ნაკადის მისაღებად.
,,დღეიდან ყველა საქალაქო ტრანსპორტის ხაზი აღდგენილია და აბსოლუტურად ყველა ავტობუსი სამუშაოდაა გამოსული. ალბათ მოგვიანებით დღის განმავლობაში მგზავრთა ნაკადი გადანაწილდება. თუმცა, თბილისის მეტროს გააჩნია ყველა რესურსი აიტანოს ასეთი გადატვირთული მუშაობა”, -აცხადებენ თბილისის მეტროპოლიტენის პრსსამსახურში.
თბილისის მეტროპოლიტენი დღეს დილიდან მგზავრებით გადატვირთულია. მეტროპოლიტენის მგზავრთა რაოდენობის გაზრდა საზოგადოებრივი ტრანსპორტით გადაადგილების გართულებამ გამოიწვია.
